Zëvendëskryeministri, Besnik Bislimi, ka pritur në takim shefen e Zyrës Ndërlidhëse greke në Kosovë, Heleni Vakali.
Përmes një komunikate për media, u bë e ditur se gjatë takimit kanë biseduar lidhur me zhvillimet e fundit dhe situatën në veri të vendit, derisa Bislimi ka thënë se me çdo kusht duhet dënuar sulmet e bandave kriminale nga Beogradi, ndaj qytetarëve, KFOR-it, Policisë së Kosovës dhe gazetarëve, përcjell teve1.info.
“Në takim u bisedua mbi progresin që Kosova e ka bërë në proceset e integrimit evropian dhe zhvillimin e vendit. Zëvendëskryeministri Bislimi e informoi ambasadoren dhe mbi procesin e dialogut, veçanërisht takimet e mbajtura muajin e kaluar në datat 2 dhe 15 maj”, thuhet tutje në komunikatë./teve1.info/.