Protestuesit në Zveçan janë shpërndarë, duke përfunduar protestën e sotme atje.
Situata në komunën e Zveçanit aktualisht është e qetë, raporton teve1.info
Gazetarja Florijeta Dernjani e cila po e përcjell protestën e serbëve në këtë komunë, tha se në një moment protestuesit e kanë sulmuar një veturë të Policisë së Kosovës e cila ishte futur në turmën e protestuesve.
Ndërkohë, sipas Dernjanit, gjatë ditës ish kryetari i Listës Serbe, Goran Rakiq, kishe kërkuar nga komandanti i KFOR-it që ta bllokoj rrugën në mënyrë që të ndalohet qarkullimi i veturave të Policisë dhe veturave tjera civile, kërkesë kjo e cila nuk u pranuar nga KFOR-i.
Megjithatë, Dernjani tha se përveq vendosjes së flamujve serbë dhe lëshimit të muzikës serbe, situata ka kaluar kryesisht qetë.
“Protestuesit e kanë sulmuar me një shoshe xhami veturën e Policisë së Kosovës e cila hyri në turmën e protestuesve, ky është tensioni i vetëm, ka disa minuta që ka përfunduar një bisedë mes Goran Rakiq dhe komandantit të KFOR-it me kërkesë që të pozicionohet KFOR-i më poshtë në mënyrë që të ndalohet qarkullimi i veturave të PK-së dhe veturave tjera, e cila kërkesë nuk është pranuar nga komandanti i KFOR-it”, tha ajo.
