Mike Maignan rezultoi si një nga prurjet më cilësore për Milanin në vitin 2021. I transferuar nga Lille për shumën e 13 milionë eurove, francezi u shndërrua në një nga elementët vendimtarë të skuadrës së drejtuar nga tekniku Stefano Pioli duke fituar sezonin e kaluar edhe titullin e Serie A.
Kështu, edhe pse kontrata aktuale i skadon në vitin 2026, drejtuesit kuqezi kërkojnë ta bëjnë të qartë para hapjes së merkatos se objektivi i tyre është ta “blindojnë” portën nëpërmjet Maignan edhe për shumë vite në vazhdim.
Në këtë formë, siç raporton Gazzeta Dello Sport, Milan i ka ofruar një kontratë të re 27-vjeçarit. Kontratë e cila do të jetë e vlefshme deri në vitin 2028 ndërsa sigurisht përmban edhe kushet të përmirësuara financiare.
Për momentin, Maignan përfiton 2.8 milionë euro në sezon ndërsa me kontratën e re që pritet të zyrtarizohet së shpejti, francezi do të arkëtoj 30% më shumë, ose thënë ndryshe 4 milionë euro në sezon.
