Pas një humbje dhe një barazimi, Newcastle rikthehet te suksesi në Premier League teksa mposhti në shtëpi me shifrat 4-1 Brighton. “Magpies” patën edhe fatin me vete në këtë ndeshje duke qenë se kaluan të parët në avantazh në minutën e 22-të pas një autogoli të Undav.
Ndërkohë, pjesa tjetër pati vend edhe për një tjetër me Newcastle që dyfishoi shifrat me anë të Dan Burn në minutën e katërt shtesë. Në fraksionin e dytë, miqtë provuan të reagonin dhe të besuarit e trajnerit De Zerbi në fakt e gjetën golin me anë të Undav në minutën e 51-të.
Gjithsesi, vendasit menaxhuan më së miri avantazhin dhe në fund mbyllën ndeshjen me anë të Wilson që shënoi në minutën e 90-të. Por, festa nuk u ndal me kaq teksa Bruno Guimaraes shënoi edhe golin e katërt duke vulosur suksesin 4-1. Pas kësaj rezultati, Newcastle ruan vendin e tretë duke u ngjitur në kuotën e 69 pikëve ndërsa Brighton mbetet në vend të gjashtë me 58 pikë.
