U dënua me burgim të përjetshëm nga Gjykatat Penale Ndërkombëtare në Hagë për gjenocid dhe krime kundër njerëzimit.
Megjithatë gjenerali famëkeq serb, vazhdon të glorifikohet nga një pjesë e shoqërisë serbe si dhe nga figura të larta politike.
Madje, një mural në qendër të Beogradit i dedikohet atij.
E pikërisht ky mural ka ngjallur reagime të shumta në shoqërinë serbe.
Në shenjë revolte deputeti opozitar, Gjorgje Miketiq, pikturoi një zemër mbi muralin e kriminelit të luftës.
Veprimin e Mitekiq po e përkrah edhe aktivisti për të drejtat e njeriut Marko Milosavljeviq, i cili thotë se është e papranueshme të glorifikohen kriminelet e luftës.
“Murali i Ratko Mladiq nuk është fshirë akoma edhe pse Deputeti i Parlamentit të Serbisë, Gjorgje Miketiq, pikturoi një zemër mbi të. Pas këtij veprimi, Miketiq pranoi kërcënime te rënda nga njerëz të ndryshëm dhe grupe të panjohura. Prokuroria dhe policia duhet të reagojnë menjëherë ndaj këtyre kërcënimeve me të cilat po ballafaqohet Miketiq. Janë me qindra murale në 10 qytete të Serbisë që i dedikohen Mladiqit dhe kjo është e papranueshme, duhet reagim institucional që ato të fshihen. Ne vazhdimisht po bëjmë thirrje për këtë”, thotw Milosavljeviq
Milosavljeviq, thotë se Serbia ka nevojë për ndryshime rrënjësore të klasës politike.
Sipas tij, Qeveria aktuale e Serbisë ka luajtur rol të madh në glorifikimin e kriminelëve të luftës.
“Ka shumë raste si këto të fundit ku po glorifikohen kriminelët e luftës në Serbi. Krerët aktual shtetëror e kanë përgjegjësinë e tyre për se atë se çfarë po ndodh në Serbi. Në dëshirojmë të shohim ndryshme rrënjësore në Serbi, pra figura opozitare si Miketiq duhet të vazhdojnë të ngrenë zërin kundër glorifikimit të kriminelëve të luftës. Është e papranueshme për ne që ata kriminele luftë të cilësohen si heronj të Serbisë”, thotë ai.
Ratko Mladiq, si lider ushtarak ishte përgjegjës për vdekjen e mijëra boshnjakëve, përfshi këtu masakrën e Srebrenicës dhe pushtimin e Sarajevës.
