Sejdiu në emisionin “InfoNata” në Tëvë1, ka treguar për dy intervenime komplekse që i ka pasur kohëve të fundit në Qendrën Klinike Universitare të Kosovës.
“Kemi fatin që dy nga këto intervenimet ishin komplekse dhe për fat tonë të mirë dhe të pacientes arritëm që t’i realizuam dhe sot ata pacientë janë kthyer në ambientin familjar. Kanë qenë bukur të vështira. Pothuajse të gjitha rastet tona janë të gjitha të vështira nuk ka raste të lehta sepse pacientët që vuajnë nga zemra janë të natyrave të rënda, sidomos ata që përjetojnë infarkt”, ka thënë ai.
Ai ka treguar për një paciente të moshës së shtyer e cila kishte përjetuar një sulm në zemë, ku edhe gjatë intervenimit kishte pasur përkeqësime të zemrës.
Sipas tij, falë intervenimit të menjëhershëm, pacientja është reanimu dhe e njëjta pas 8 ditësh është liruar në shtëpi në gjendje të mirë shëndetësore.
“Pacientja e parë e moshës së shtyer e cila kishte përjetuar një sulm në zemër ku pas hyrjes në sallë, gjatë procedurës ndodh shpeshherë të kemi komplikime të ndryshme, e njëjta fatkeqësisht gjatë procedurës veq filloi të kishte përkeqësime të zemrës, që përjetoi çrregullime të ritmit që shpesh herë mund të jenë me fatalitet. Gjatë kësaj periudhe ne kemi intervenuar dhe është reanimu mbi 25 herë dhe është vendosur në aparat respirator, e njëjta të nesërmes është larguar nga aparati pastaj dita ditës e ka marrë vetën, saktësisht pas 8 ditëve është liruar në shtëpi në gjendje të mirë shëndetësore . Kemi akoma punë me atë paciente dhe ta shohim si shkon jeta e trajtimit të sëmundjes”, tha Sejdiu.
Kardiologu tregoi edhe për pacientin tjetër që kishte kaluar sulm në zemër dhe i njëjti ishte dërguar pa shenja jete në Qendren Emergjente në QKUK, falë intervenimit ky i fundit shpëtoi nga jeta.
“Ndërsa pacienti tjetër që kishte kaluar sulm në zemër. Ky pacient është pranuar me datën 6 të këtij muaji, ne ishim kujdestar dhe pacienti është pranuar pa shenja jete në qendrën emergjente të QKUK-së. Pastaj nga ekipi është reanimu dhe është kthyer në jetë dhe është parë që ka kaluar infarkt. Është thirr ekipi jonë dhe e kemi verifikuar diagnozës dhe e kemi parë që ky pacientë duhet urgjentisht ti ushtrohet intervenimit. Problemi më i madh ishte që u kry intervenimi dhe gjithçka shkoi mirë u stabilizu pacienti në aspekti kardiak por e kishim problemin me trurin sepse nuk e ditshim sa ka qenë koha e gjatë që truri ka mbet pa oksigjen por dashti zoti gjithçka shkoi mirë”, deklaroi Sejdiu. /teve1.info/
