Të dielën në mëngjes shtëpia e Naser Pajazitit është ‘sulmuar” me armë zjarri.
Rastin për tëvë1.info e ka konfirmuar zëdhënësi i policisë për rajonin e Pejës, Fadil Gashi, i cili tha se nuk ka pasur persona të lënduar.
“Ai ka thirr dhe ka raportu për të shtëna në kulmin e shtëpisë së tij. Të lënduar s’ka pasur, vetëm janë dëmtuar dy tjegulla. Në vendin e ngjarjes ka dalë Forenzika dhe Prokurori dhe është hapur rast për veprën “Shkaktim i rrezikut të përgjithshëm”. S’ka të dyshuar ende”, ka thënë ai.
Ndryshe, këtë rast e ka konfirmuar edhe avokati i Naser Pajazitajt, Ahmet Tahiri.
“Mbrëmë familja dhe shtëpia e Naser Pajazitajt është sulmuar me armë zjarri rreth orës 02:00 të mëngjesit duke traumatizuar Naserin dhe familjen e tij. Lusim organet e drejtësisë, përkatësisht Policinë dhe Prokurorinë Themelore në Pejë që sa më parë të zbulohet ky rast dhe personat që kanë kryer këtë vepër të marrin dënimin e merituar”, ka shkruar ai.
Kujtojmë se Naser Pajazitaj, në maj të vitit të kaluar, në rigjykim Gjykata Themelore e Ferizajt e kishte dënuar me burgim të përjetshëm Naser Pajazitajn për vrasjen e Donjetës në Bjeshkët e Strellcit, në Deçan ndërsa në seancën e mbajtur me datë 06 prill 2023, Gjykata Supreme e ka liruar nga kjo akuzë./teve1.info/
Raportohet se është sulmuar me armë zjarri shtëpia e Naser Pajazitajt