Gjatë javës moti në Kosovë do të jetë i vranët dhe me diell, i shoqëruar me riga shiu.
Sipas Institutit Hidrometeorologjik të Kosovës temperaturat do të jenë nga 9-12 gradë Celsius dhe maksimalet 16-19 gradë Celsius.
“E hëne- mot i vranët dhe me intervale me diell. Gjatë ditës parashihen riga shiu. Temperaturat minimale do të lëvizin ndërmjet 9-12 gradë Celsis, ndërsa maksimalet e ditës parashihen të lëvizin ndërmjet 16-19 gradë Celsius. E marte- mot kryesisht i vranët por edhe intervalet e shkurta me diell do të jenë prezente. Parashihen reshje me shkarkime rrufesh. Në fushat termike nuk do të ketë luhatje të mëdha. E mërkurë- Mot kryesisht i ngjashëm me ditën e marte, por me rritje të lehta të temperaturave të mesditës”, thuhet në njoftim.
Të enjten mot i vranët dhe më i freskët se ditët paraprake. Parashihen reshje të intensitetit të dobët.
“Të premten – Mot kryesisht me vranësira dhe me intervale të kohë pas kohëshme me diell. Vranesirat parashihen të sjellin riga shiu,jo në gjithë territorin, por kryesisht në viset e larta, kurse temperaturat parashihen të shenojnë rritje të lehta në vlerat e mesditës”, njofton IHMK./teve1.info/
