Një person i moshës 29-vjeçare nga fshati Biti e Epërme të Shtërpcës është raportuar i zhdukur nga një familjar i tij, shkruan teve1.info
Familjari është ankuar në Policinë e Kosovës se 29-vjeçari që dy ditë është larguar nga shtëpia dhe më nuk dihet vendndodhja e tij.
Lidhur me këtë rast, Forca e Sigurisë së Kosovës ka angazhuar Ekipet e Kërkim Shpëtimit të Gardës Kombëtare, të cilët në koordinim me Policinë e Kosovës dhe autoritetet lokale të Komunës së Shtërpcës kanë filluar operacionin e kërkimit të riut, që i përket nacionalitetit serb.
“Me kërkesën e Qendrës së Situatave të Qeverisë së Republikës së Kosovës, Forca e Sigurisë së Kosovës ka angazhuar Ekipet e Kërkim Shpëtimit të Gardës Kombëtare ,në koordinim me Policinë e Kosovës dhe autoritetet lokale të komunës së Shterpces, kanë filluar operacionin e kërkimit tê riut 29 vjeçar i nacionalitet serbënga fshati Biti e Epërme”, thuhet në njoftim.
Ndërsa, në raportin 24-orësh të PK-së thuhet se rasti është duke u hetuar ende. /teve1.info.
