Policia e Kosovës ka bërë të ditur se në fshatin Qubrel të Skenderajt, në një skaj të rrugës janë gjetur eshtra të vjetër të një kafke, ku dyshohet se janë mbetje të vjetra të njerëzve.
Njësia policore ka dalë në vendin e ngjarjes, derisa njësia për krime lufte ka marrë me vete eshtrat, të cilët edhe do të merren më tej me rastin.
Ndërkohë, lidhur me rastin prokurori ka vendosur që të iniciohet si “Gjetje e kockave”.
“Fsh. Qubrel, Skenderaj 12.05.2023 – 10:00. Raportohet se në skaj rrugës janë gjetur disa eshtra të vjetër një kafkë dhe dyshohet se janë mbetje të vjetra të njerëzve. Njësitë policore kanë siguruar vendin e ngjarjes, ndërsa njësia për krime lufte ka marrë me vete eshtërtat (mbetjet kockore) dhe do të mirën me rast. Me urdhër të prokurorit rasti iniciohet si më lartë”, thuhet në raport.
