Me këtë rast, kryeministri i vendit Albin Kurti ka thënë se Kosova dhe qytetarët e saj kanë nevojë që të zgjidhet një kryeprokuror që është i guximshëm e me integritet të lartë moral, shkruan teve1.info
“Ky proces është tejet i rëndësishëm për Republikën e Kosovës, për qytetarët dhe shtetin e së drejtës, prandaj ka vëmendjen e të gjithëve. Kosova dhe qytetarët kanë nevojë që të zgjidhet një kryeprokuror që ka intergritet të lartë moral dhe profesional por edhe që është i guximshëm, punëtor e energjik. Krimi i organizuar, korrupsioni i lartë dhe çdo lloj kriminaliteti duhen luftuar kudo e tërë kohën. Drejtësia nevojitet për dinjitetin dhe mirëqenien e qytetarit por edhe për sigurinë tonë shtetërore e kombëtare”, ka shkruar Kurti në një postim në Facebook.
Kurti ka shtuar se si kryeministër pret që ky proces të jetë i drejtë, transparent dhe meritor. /Teve1.info/
