Kompeticioni më i fortë në botë për klube, Liga e Kampionëve rikthehet sonte duke na sjellur një nga ndeshjet më të lavdishme në vitet e fundit.
Në tempullin “Santiago Bernabeu” takohen dy gjigantë të futbollit. Në një anë, historia, tradita dhe pesha e Real Madridit në ligën e kampionëve, ndërsa në anën tjetër miliardat, uria, Erling Haaland dhe dëshira për hakmarrje e Manchester Cityt.
Mbretërit mposhtën Chelsean, kurse qytetarët kaluan Bayernin për të ardhur deri në gjysmëfinale, e cila ka ngjallur polemika pak para ndeshjes.
Legjenda e Manchester United dhe kombëtares angleze, Ëayne Rooney, ka thënë se skuadra e Pep guardiolas është superiore përballë Realit dhe nuk do të ketë asnjë problem.
“Manchester City nuk do ta mposht Realin, po do ta shkatërrojë atë. Sigurisht, mund të jem gabim, por mendoj se City janë në një nivel tjetër. Nuk mund ta përjashtosh një skuadër me përvojën dhe historinë e Realit, mirëpo nuk besoj tek ta. Mendoj se ky është viti i Cityt”.
Ishbashkëlojtari i Ronneyt, Gary Neville, nuk pajtohet me të se City do të fitojë në Bernabeu, mirëpo ndan të njëjtin mendim në raport me dy ndeshjet.
“Nuk jam i sigurt nëse ata do të fitojnë në Madrid, por po në Etihad. Mendoj se City do të fitojë në total”.
Ishsulmuesin e United, nuk e ka kursyer mesfushori Toni Kroos, i cili mbrojti skuadrën e tij në konferencë, duke thënë se zërat e ngjashëm ishin edhe vitin e kaluar, kur Reali eliminoni Cityn.
“Është gjithmonë njejt, mban mend kur thonin gjërat e njëjta vitin e kaluar, askush nuk priste që ne të fitonim por në arritëm. Pavarësisht fjalëve që ka thënë, Rooney është një person të cilin e pëlqej shumë. Nuk ka afekton por motivon neve më shumë, sepse është e pamundur të motivohemi më tepër”
Reali po kërkon të përsërisë suksesin e sezonit të kaluar dhe të mbrojë titullin, ndërsa cityzens që po garojnë edhe në Premier Ligë dhe Fa Cup, synojnë të fitojnë tripletën e parë në histori të klubit.
