Presidenti i Ukrainës, Volodymyr Zelenskyy ka paraqitur një projektligj në Verkhovna Rada që propozon vendosjen e 8 majit si ditën e fitores mbi nazizmin në luftën e dytë botërore.
Duke thyer traditën sovjetike që festonte Ditën e Fitores më 9 maj.
Për më tepër ai përmes një video bëri me dije nënshkrimin e një dekreti për festimin e Ditës së Evropës më 9 maj .
“Nuk do ta harrojmë kurrë kontributin e popullit ukrainas në fitoren ndaj nazizmit. Sot kam nënshkruar dekretin përkatës dhe çdo vit nesër më 9 maj do të nderojmë unitetin tonë historik unitetin e të gjithë evropianëve që shkatërruan nazizmin dhe mposhtën fashizmin. Uniteti sjell paqen më afër. Dhe të gjitha ato të këqija të vjetra që Rusia moderne po i kthen, do të mposhten ashtu siç u mund nazizmi”, tha Zelenskyy.
Ndërkohë forcat ruse po vazhdojnë luftimet e ashpra kryesisht në pjesën jugore të Ukrainës.
Ndër tjerash zyrtarë ukrainas të hënën bënë me dije se forcat ruse gjatë natës kanë përdorur raketa me rreze të gjatë në rajonin jugor të Ukrainës Odesa.
Zëdhënësi i forcave ajrore të Ukrainës Yuri Ihnat, tha se raketat e epokës sovjetike u vetëshkatërruan duke rënë në det përpara se të godasin objektivat.
Shërbimi Shtetëror i Emergjencave të Ukrainës ndau një video që tregon flakët që përfshinë strukturat e betonit të djegur dhe zjarrfikësit që punojnë në vendet.
Që nga mëngjesi i së hënës, nuk ka pasur raportime për viktima./Tëvë1/