I dyshuari për të shtënat në afërsi të Mlladenovcit në Serbi është arrestuar në afërsi të Kragujevcit. Mbrëmë para mesnatës në fshatin Dubonë afër Mlladenovcit në një sulm të armatosur u vranë 8 persona, ndërsa 13 u plagosën, raporton RTS.
Sulmi filloi në fshatin Dubonë, kur një i ri filloi të qëllonte nga një veturë në lëvizje me pushkë automatike dhe më pas ka qëlluar edhe në fshatra të tjera.
Rreth 600 pjesëtarë të njësive speciale të policisë u lëshuan në kërkim të të dyshuarit.
I dyshuar 21-vjeçar dyshohet se mbrëmë vonë pas një debati ka vrarë me automatik një punonjës policie dhe motrën e tij dhe më pas ka vazhduar të qëllojë rastësisht.
Sulmi i armatosur në Dubonë vjen një ditë pas të shtënave në një shkollë ku mbetën të vrarë tetë nxënës.