Shefi i stafit të Presidencës, Blerim Vela, ka shpërndarë në profilin e tij disa pjesë të një artikulli të the New York Times, në të cilin flitet për lidhjet e presidentit serb Vuçiq me njerëz nga bota e krimit.
Vela ka thënë se kjo nuk është surprizë për diplomatët që e ndjekin nga afër Serbinë.
“Diplomatët që ndoqën nga afër Serbinë nuk mund të befasohen me artikullin e NYT mbi ngatërresën e Vuçiqit me grupet e krimit. Pyetja është se çfarë do të bëjnë për këtë!”, ka shkruar Vela.
Duke e përmendur në postim këshilltaren politike të Vuçiqit, Suzanne Vasilijeviq, ai ka thënë se NYT nuk mund të kontrollohet si ‘Informeri’ apo ‘TV Pink’ i Serbisë.
“Urime Suzanne Vasilijeviq për këtë arritje “madhështore”. Në fund të fundit, ju mund të kontrolloni Pink dhe Informer, por jo NYT”, ka shkruar Vela.
Diplomats that followed closely Serbia cannot be surprised with NYT’s article on Vučić’s entanglement with crime groups. The question is what they’ll do about it!
Čestitamo @BUKAiSu na ovom “veličanstvenom” dostignuću. Uostalom, možete kontrolišete Pink i Informer, ali ne i NYT. pic.twitter.com/iIpVEFuJ0C
— Blerim Vela (@Blerim_Vela) May 4, 2023