Ministrja e Drejtësisë, Albulena Haxhiu i ka reaguar deputetit Anton Quni, i cili tha se Kryeprokurori i Prokurorisë Speciale, Blerim Isufaj, është njeri i ditur, trim e modest, teksa kujtoi edhe kontributin e tij në luftë.
Quni po ashtu kishte theksuar se Isufaj po sulmohet nga autoritet më të larta shtetërore.
Atij i ka reaguar ministrja e Drejtësisë, Albulena Haxhiu, duke e pyetur se “Çfarë zori ka LDK-ja që po e mbron Blerim Isufajn?”.
Unë me shqetësim e dëgjova fjalën e zotit Quni për faktin se nuk e kuptoj çfarë zori duhet me pasë një subjekt opozitar, për me dalë këtu në foltore të Kuvendit edhe për me e mbrojtë një kandidat për Kryeprokuror të Shtetit. Mendoj që kjo qasje nuk i ndihmon hiç zotit Isufaj. E pse e bëni ju këtë ndoshta duhet t’i tregoni qytetarëve. Cili është zori që sot ka LDK-ja që me mbrojtë një kandidat për Kryeprokuror të Shtetit?
Tutje ajo ka aluduar për marrëveshje të mundshme mes Çunit dhe Isufajt e po ashtu ka pyetur se “Cila është dosja që jeni marrë vesh mos me e adresu?”.
“Për sa kohë merreni me deklarimet tona ndaj procesit që ka kaluar ky person që është zhvilluar nga Këshilli Prokurorial, është mirë që të na tregoni sinqerisht në këtë foltore të Kuvendit se pse, cila është marrëveshja që mund ta keni bërë me të, që e keni pasur me të. Për çfarë dosje jeni marrë vesh që mos me i adresu? Prandaj është jashtëzakonisht e rëndësishme që të jeni transparent dhe jo të na akuzoni Qeverinë për procesin që ka kaluar ky kandidat“, ka thënë Haxhiu.
https://teve1.info/lajmet/quni-i-del-ne-mbrojtje-isufajt-ishte-shembull-ne-uck-dhe-ne-mbrojtje-te-ligjit/
