Drejtoresha e Shkollës “Kadri Bistrica”, në Bistricë të komunës së Leposaviqit, njëherit menagjerja e kësaj qendre Rudina Salihu, tha se tashmë është mbyllur edhe kjo qendër e votimit.
Sipas saj, procesi ka shkuar në rregull dhe në këtë pikë votimi kanë votuar 106 qytetarë.
“Numri i përgjithshëm i qytetarëve me të drejtë vote është afro 300 gjithsej, kurse 106 persona kanë dalë në votim. Është numër i kënaqshëm kemi pasë shpresë që numri ka me qenë i madh, por sido që të jetë ka pas vullnet për votime në këto zgjedhje”, tha ajo.
Kurse tashmë kanë nisur të mbyllen të gjitha qendrat e votimit në katër komunat në veri të vendit.
Numri i qytetarëve me të drejtë vote në këto komuna është 45 mijë e 95, teksa për kryetarë garojnë 10 kandidatë, dhe vetëm një është nga komuniteti serb./Teve1.info/
