Drejtoresha e Shkollës “Kadri Bistrica”, në Bistricë të komunës së Leposaviqit, njëherit menagjerja e kësaj qendre Rudina Salihu, tha se disponimi i qytetarëve shqiptarë për të dalë në votime në këtë qendër është i mirë.
Salihu tha se në këtë komunë kanë të drejtë vote gjithsej 300 qytetarë, teksa deri në këto moment kanë votuar 80 qytetarë.
“Disponimi i shqiptarëve deri më tani është i mirë, tash është një pushim i shkurtër por po shpresoj që pas orës pesë do të ketë përsëri një fluks të madh të votuesve. Afër 300 qytetarë kanë drejtë vote, kurse deri më tani dikun mbi 80 kanë dalë në votim”, tha ajo.
Sipas Salihut, bazuar nga votimet e më hershme numri i qytetarëve të cilën dalin në vendvotime përafësisht shkon deri në 200.
“Përafërsisht afër 200 shkon numri i pjesmarrësve nga zgjedhjet e kaluara. Deri më tani nuk është regjistruar asnjë aksident, gjithçka po vazhdon në mënyrë të rregullt”, shtoi ajo./teve1.info./
