Me të parë hënën e re nisën lutjet dhe festa.
Miliona besimtarë mysliman anekënd botës të premten shënuan përfundimin e muajit të agjërimit të Ramazanit dhe fillimin e Fitër Bajramit.
Nga Meka e Shenjtë e deri në Australi teksa u mblodhën për namazin e Bajramit, praktikuesit e fesë islame u lutën për paqe dhe mirësi.
“Ramazani nuk është njësoj siç ishte më parë. Më mungojnë Ramazanat e kaluar. Por sot të gjithë duhet ta përjetojmë këtë festë e këtë gëzim”, tha Ziva Altun nga Turqia
“Në përgjithësi, myslimanët kudo po përballen me probleme, qoftë në Sudan, qoftë në Palestinë, qoftë në ndonjë pjesë tjetër të botës. Lusim Allahun qe t’ua lehtësojë dhimbjet atyre e t’iu ndihmoj të kapërcejnë sfidat”, u shprehë Abdulrahman Musa- imam nga Kenia
“Ne shpresojmë që populli irakian dhe i gjithë kombi islamik të gëzojë siguri, paqe dhe shëndet të mirë dhe me dëshirën e Zotit, t’iu jepet fund grindjeve dhe problemeve”, tha Mustafa Ali- besimtar nga Iraku,raporton AP.
Nga ana tjetër, në Sudan, festimi mbeti në hije për shkak të luftimeve midis dy forcave ushtarake për pushtet pavarësisht dy tentativave për armëpushim.
Festa e Fitër Bajramit e cila zgjat tre ditë është një nga dy festat e rëndësishme në besimin Islam./Tëvë 1/
