Ajo në prezantimin e kodit civil theksoi se do të sigurohet trajtim i barabartë i bashkëshortëve, duke siguruar se nuk do të lejohet asnjë lloj diskriminimi.
“Çështjet kryesore është regjimi pasuror i bashkëshortëve, ku kodi civil i trajton të barabartë dhe nuk ka asnjë diskriminim. Në rast të divorcit, Gjykatat do të ndajë pasurinë në mënyrë të barabarta, pavarësisht se sa kanë kontribuuar të dytë. Me këtë projektkod martesa do të lejohet vetëm mbi moshën 18 vjeç”, ka thënë Haxhiu në vazhdimin e seancës plenare të Kuvendit të Kosovës.
Më tej ajo është shprehur se ky projekt kod përbëhet nga pesë libra dhe është në frymë me Kushtetutën dhe në direktivat e BE.
“Kemi themeluar një grup punues për ti shtjelluar komentet që nuk janë pranuar më herët. Aty bëjnë pjesë shoqëria civile, ku kemi mbajtur tetë punëtori. Është adresuar pasuria e bashkëshortëve në martesë, mbrojtja e të drejtave të fëmijëve, fejesa dhe pasuria bashkëshortore” ka thënë Haxhiu, shkruan teve1.info.
