Vendimi për liberalizim të vizave për Kosovën po mirëpritet nga qytetarët. Ata megjithatë ftojnë në kujdes që të mos keqpërdoret kjo mundësi.
Lajmin që prej janarit do lëvizin pa viza i gëzoi jashtë mase.
Qytetarët thonë që këtë mundësi do e shfrytëzojnë për studime e vizita.
Por kanë edhe një brengë.
“Kjo u prit veç kur, ja me ba qetash ja me lanë krejt e me metë mshel krejt”, shprehet një qytetarë
“Mundësi e mirë për rini, për studentë, për bursa, për gjithçka çka mundet me u shfrytëzu ky liberalizim edhe shpresojmë që mos me u keqpërdor që me hy në listë të zezë meniherë”, shprehet qytetari.
Vendimi për liberalizim po mirëpritet edhe nga mërgimtarë dhe vizitorët.
“Pengesat e mëdhaja shpresoj që më nuk do t’jenë, me u end për viza, kjo është një pengesë e madhe që ka qenë në aspektin psikik e material edhe në këtë rast është një sukses edhe familjar njëkohësisht se vijnë më lehtë”, thotë ky mërgimtar.
“Duket si ide e mirë, ne mund ta vizitojmë këtë vend shumë lehtë, kështu që edhe ju duhet të na vizitoni neve. Do të ju mirëpresim në Holandë”, thotë ai
“Më vjen mirë që më në fund qytetarët e Kosovës mund të udhëtojnë në vendet tjera, ne e bëjmë të njëjtën nga Gjermania”, u shpreh ai.
Pas miratimit të vendimit për liberalizim, pritet që të nënshkruhet akti ligjor ku garantohet Lëvizja e lirë e qytetarëve të Kosovës në Bashkimin Europian.
Kronika e realizuar nga gazetarja Albiona Hajdari