Liverpool ka shënuar fitore bindëse si mysafir i Leeds me rezultat 1:6 në ndeshjen e xhiros së 31 në Premier Leauge.
Kjo ishte fitorja e parë e Liverpulit pas tri ndeshjeve ku humbi nga City dhe barazoi me Chelsean dhe Arsenalin.
Golin e parë në ndeshje e shënoi sulmuesi i të kuqeve Gakpo në minutën e 35. Katër minuta më vonë Salah dyfishoi epërsinë për Liverpool.
Në fillim të pjesë së dytë vendasit ngushtuar epërsinë përmes Sinisterras, pas një gabimi të qendërmbrojtësit të Liverpool, Konate.
Më pas Liverpool shënoi edhe katër gola përmes Jotas në minutat 52 dhe 73 e Salah që shënoi në minutën e 64 dhe Nunez në minutën e 90.
Me këtë fitore Liverpool ka grumbulluar 47 pikë me një ndeshje më pak dhe renditet në vendin e tetë në tabelë.
Leeds është në vendin e 16 me 29 pikë.
Në këtë ndeshje luajti disa minuta edhe Luis Diaz, që për Liverpool kishte munguar që nga dhjetori i vitit 2022./teve1.info/
