Zëdhënësja e LDK-së, Sibel Halimi rastin e sotëm të vrasjes së gruas në Pejë nga djali i saj, e ka cilësuar si alarm për shoqërine e institucionet.
Halimi në Facebook tha se shoqëria kosovare çdo ditë po tronditet nga dhuna e vrasjet por që sipas saj, po mungon adresimi, ndëshkimi dhe përkrahja e viktimave.
“Nga gjuha denigruese e misogjene deri te vrasjet, ky është realiteti.Por fatkeqësisht po na mungon adresimi, ndëshkimi dhe përkrahja e viktimave. Rasti i vrasjes së gruas në Pejë, të dridh në shpirt; alarm për këtë shoqëri e këto institucione, që të lëvizin nga parimi i dënimit verbal të rasteve në rrjete sociale e media.Në të kundërtën dhuna dhe vrasjet kanë filluar të shndërrohen në përditshmëri deri në normalizim”, ka shkruar ajo.
Ndryshe gruaja e vrarë sot në Pejë është e moshës 63 vjeçare. Ajo dyshohet se është vrarë nga djali i saj në shtëpi në rrugën “ Mbreti Zog” në Pejë./teve1.info./