Kuvendi i Kosovës nuk ka arritur ta miratojë Projektligjin për prokurorin e shtetit, raporton teve1.info
Në votim kanë marrë pjesë 50 deputetë, derisa opozita nuk ka marrë pjesë në votim.
Kryetari i Kuvendit Glauk Konjufca ka thënë se kjo pikë e rendit të ditës do të bartet në seancën tjetër.
Në seancën e së mërkurës gjithashtu nuk kanë arritur të miratohen amendamentet e Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të agjencive ekzekutive.
Në këto pika nga rreth 70 deputetë sa ishin në sallë, në votim kanë marrë pjesë 46 deputetë.
