Një 5-vjeçar ka vdekur pasditen e sotme në Spitalin e Vushtrrisë, si pasojë e lëndimeve që dyshohen të jenë nga arma e zjarrit.
Zëdhënësi i Policisë, Avni Zahiti bën të ditur për teve1.info se ngjarja ka ndodhur në oborrin e shtëpisë së fëmijës.
“Rreth orës 17:20, është raportuar se në Spitalin e Vushtrrisë, një fëmijë i moshës 5 vjeçar, është sjellë për ndihmë mjekësore, ndërkohë nga autoritetet mjekësore është bërë e ditur se si pasojë e lëndimeve që dyshohen të jenë nga arma e zjarrit fëmija ka vdekur. Nga hetimet fillestare bëhet e ditur se ngjarja ka ndodhur në oborrin e shtëpisë së fëmijës”, tha ai.
Zahiti shtoi se në vendin e ngjarjes është gjetur dhe sekuestruar një gëzhojë dhe një armë e llojit pistoletë.
Me urdhër të prokurorit trupi i pajetë i viktimës është dërguar për obduksionin në IML. /Teve1.info/