Situata në veri mund të eskalojë javëve në vazhdim.
Këtë shqetësim e pati të enjten zëvendëskryeministri, Besnik Bislimi.
Ky tha se ekziston brenga që Serbia ta destabilizojë situatën në katër komunat veriore të Kosovës.
“Ekziston një brengë që ka potencial nga ana e Serbisë që ta destabilizojë situatën, gjithmonë duke keqpërdorur temën e targave. Ju e keni parë javën e kaluar aktivitetin e shtuar të strukturave ilegale dhe kriminale në veri në djegien e veturave të qytetarëve serbë”, tha Bislmi.
E skenari serb në veri të Kosovës, sipas ish-drejtorit të Policisë është moslejimi i mbajtjes së zgjedhjeve që janë paraparë me 23 prill.
Se situata është shqetësuese, po e thotë edhe njohësi i të sigurisë, Nuredin Ibishi.
Të mërkurën, drejtori i AKI-së, Petrit Ajeti, raportoi në Komisionin Parlamentar, e pas raportimit u tha se grupe të ndryshme serbe janë duke u trajnuar në Rashkë të Serbisë, me qëllim të destabilizimit të veriut të Kosovës.
Derisa, vetëm gjatë këtij viti, disa vetura me targa RKS u dogjën në pjesë të ndryshme të veriut.
Kronika e gazetarit Arton Rama.
