Deputetja e Aleancës, Teuta Haxhiu, ka refuzuar të largohet nga foltorja e Kuvendit të Kosovës, pasi i ka përfunduar koha e caktuar për fjalim.
Ajo ka kërkuar nga kryetarja e Kuvendit, Albulena Haxhiu, që t’i lejohet vazhdimi i fjalës për ta përfunduar deklarimin, por kërkesa e saj nuk është aprovuar.
Pas përfundimit të kohës së paraparë, kryetarja e Kuvendit ia ka dhënë fjalën deputetit të Lëvizjes Vetëvendosje, Sylejman Meholli, mirëpo Teuta Haxhiu ka vazhduar të qëndrojë në foltore, duke insistuar për kohë shtesë.
Pavarësisht vazhdimit të seancës, deputetja e Aleancës nuk është larguar nga foltorja, duke krijuar një situatë të tensionuar gjatë zhvillimit të punimeve parlamentare.
