Mbi 300 zyrtarë policorë që janë me sëmundje të rënda kronike, detyrohen që të paraqiten në vendin e tyre të punës.
Kjo për shkak se ende nuk është miratuar Ligji për Pensionimin e Parakohshëm të tyre.
Nga Sindikata e Policisë thonë se janë në pritje të miratimit të një projektligjit të tillë, për shkak edhe të moshës së shtyrë mesatare në këtë institucion.
Kryesindikalisti tregon se sa zyrtarë policorë shkojnë në pensionim të parakohshëm në rast se miratohet ky ligj.
E deputeti i PDK-së, Rashit Qalaj i cili është edhe iniciues i këtij projektligji, tregon se të enjten është në rend dite për votim.
Andaj bën thirrje që një projektligj i tillë të miratohet, pasi që ndikon pozitivisht në punën e zyrtarëve policorë.
Pos pensionit të parakohshëm, punonjësit e Policisë kanë pasur kërkesa edhe për tu pajisur me sigurim shëndetësor.
Kronika e gazetarit Lindrit Zejnullahu.
