Organizata “Demokracia në Veprim”, ka vlerësuar se nuk mund të ketë zgjedhje të lira dhe demokratike të komunat veriore të Kosovës, raporton teve1.info
Përmes një publikimi në Facebook, DNV është shprehur mosregjistrimi i asnjë kandidati nga komuniteti serb për në Mitrovicë të Veriut e Zubin Potok për të kandiduar në zgjedhje dhe mosvullneti i qytetarëve serbë për të marrë pjesë në këtë proces, mund të cenoj legjitimitetin e institucioneve që und të dalin pas zgjedhjeve.
“Përkundër shtyrjes së disahershme të ditës së zgjedhjeve dhe afateve për certifikim të subjekteve politike dhe kandidatëve të tyre, subjektet politike, në veçanti ato të komunitetit serb, nuk kanë shprehur vullnet për të qenë pjesë e garës zgjedhore. Madje, në Mitrovicë të Veriut dhe Zubin Potok, ku komuniteti serb përbën mbi 90% të popullsisë, nuk është regjistruar asnjë kandidat nga radhët e komunitetit serb. #DnV vlerëson se kjo situatë mund të cenojë legjitimitetin e institucioneve që do të dalin nga zgjedhjet, pasi nuk garanton përfaqësim të drejtë të komunitetit serb”, thuhet ndër të tjera në reagimin e organizatës.
