Venkateswari Alagendra, avokatja e Jakup Krasniqit, në fjalën hyrëse bëri të ditur se do të parashtrojnë gjashtë gabime, që sipas tyre, janë fatale për çështjen e Prokurorisë. Ajo tha se këto gjashtë pika janë disa prej shembujve të shumtë të gabimeve që ka bërë Prokuroria.
Alagendra theksoi se gabimi i parë është që Prokuroria e keqkupton ose qëllimisht e keqpërfaqëson rolin personal të Krasniqit, përcjell teve1.info
“Në qershor të ‘98, Krasniqi u emërua si zëdhënës. Ai nuk ishte asnjë rol të përcaktuar prej asaj kohe, ashtu siç nuk ishte as edhe një shtab i përgjithshëm në atë kohë, në kuptimin e plotë të fjalës. Megjithatë nga qershori ‘98 Krasniqi ishte zëdhënës. Të nderuar gjykatës, ne të gjithë e dimë çfarë roli ka zëdhënësi dhe kufizimit e tij. Zëdhënësit nuk përfshihen në çështje operacionale ushtarake. Roli i tyre është kontakti dhe marrëdhëniet me publikun. Ky ishte pikërisht roli që ka luajtur Krasniqi në atë kohë…ju do të dëgjoni dëshmitarë të flasin për struktutrën e UÇK-së, disa prej të cilëve nuk kanë asnjë bazë për njohuritë e tyre të supozuara, përtej thashethemeve, apo spekulimeve të painformuara”, deklaroi ajo në seancën që po mbahet në Hagë.
Avokatja e Krasniqit potencoi se provat e Prokurorisë do të tregojnë se ai nuk kishte kompetenca apo përgjegjësi që kërkon t’i ngarkojë ZPS-ja.
Tutje, ajo tha se gabimi i dytë i Prokurorisë është insistimi i saj se Jakup Krasniqi ishte përgjegjës për krimet nga të cilat ishte gjeografikisht i largët.
Pika e tretë sipas Alegaendras, apo gabimi i tretë i Prokurorisë është që ajo mbivlerëson tërësisht organizimin e UÇK-së.
“Prokuroria parashtron një teori të pabazuar se UÇK-ja ishte më e paorganizuar sesa ishte në fakt e organizuar. Provat do të tregojnë që kjo teri ishte thjesht fantazi, një teori e cila e injoron realitetin në terren”, shtoi ajo. /Teve1.info/
