Ka vdekur gazetari i njohur sportiv nga Mitrovica, Musa Begu, në moshën 63-vjeçare, raporton teve1.info
Lajmin për vdekjen e Begut e kanë bërë të ditur familjarët e tij përmes një postimi në Facebook.
“Te Allahut jemi dhe te Ai do te kthehemi.
Me pikëllim të thellë ju njoftojmë se sot me datë 5.04.2023 ndërroi jetë Babai jonë i dashure MUSA (Shaban) BEGU (16.03.1960 – 5.04.2023)
Varrimi bëhet sot me datë 5.04.2023 ne varrezat e Shipolit me Dreke”, thuhet në njoftim.
Begu ka punuar si korrespondent i sportit nga Mitrovica në disa gazeta të njohura sportive.
Begu kishte punuar në Rilindje, gazetën Bujku, Top Sporti, Kosova Sport e disa mediume tjera.
Ai ishte vlerësuar me disa çmime, e së fundi u nderua edhe për “vepër jetësore” nga Shoqata e Gazetarëve Sportivë të Kosovës.
