Ish presidenti i Kosovës, Hashim Thaçi, fjalën e tij të parë para trupit gjykues në Hagë e nisi duke thënë se e drejta dhe drejtësia janë parime për të, raporton teve1.info
Thaçi tha se është gati të përballet me këtë sfidë të re, derisa tregoi për fillimet e luftës dhe kthimin e tij nga Zvicra ku qëndronte si student.
“Jam gati që të përballem me këtë sfidë të re dhe të kem sukses për familjen, popullin dhe vendin tim. Rruga drejt lirisë ishte e gjatë dhe e vështirë. Isha student në Zvicër, i strehuar politik kur u masakrua familja Jashari në 98-n. Edhe unë u ktheva të ndihmoj vendin tim dhe u bashkova për rezistencë. Kushdo që do të ishte në vendin tim, do të bënte të njëjtin. Ushtria përbëhej nga njerëz të thjeshtë, që përpiqeshin të shpëtonin familjen e tyre. Ata luftuan e shumë ranë heronj. Mijëra familje i humbën të dashurit nga qindra masakra të forcave serbe”, u shpreh Thaçi.
