Djegie e veturave e hedhje të mjeteve shpërthyese, janë vepra të cilat jo shumë kohë më parë i kemi dëgjuar të ndodhin në pjesën veriore të vendit.
Këto veprime janë kthyer përsëri, në ditët e para të muajit prill.
Njohësit e çështjeve të sigurisë thonë se situata në komunat veriore ka filluar të tensionohet përsëri.
Nuredin Ibishi thotë se serbët këto veprime po i bëjnë për të penguar zgjedhjet e 23 prillit në komunat veriore.
Njohësi i çështjeve të sigurisë, Hysen Geci thotë se sulmet në veri po zhvillohen nën direktivat e Beogradit dhe sipas tij, Vuciq po e minon marrëveshjen e Ohrit.
Tensionimi i fundit në komunat veriore ishte ai i fundit të vitit të kaluar, ku strukturat e kontrolluara nga Beogradit kishin barikaduar rrugët.
Kronika e gazetarit Valmir Gallopeni.
