Braktisja e fshatrave në vend ka bërë që dukshëm të bie edhe numri i nxënësve në shkolla.
E me këtë po përballet edhe shkolla fillore “Rilindja” në Keqekollë të Komunës së Prishtinës me 19 nxënës dhe 14 mësimdhënës.
Madje në këtë shkollë është një nxënës i vetëm që ndjek mësimet në klasën e parë.
Nw kwto rrethana, Qamile Gashi, drejtoreshë në këtë shkollë thotë se në këto kushte po u mungon cilësia e konkurrenca mes nxënësve.
Tutje, Gashi thotë se në vitin 2015 kur mori këtë pozitë numri i nxënësve ishte më i lartë në këtë shkollë.
Edhe Idriz Islami i cili jep mësim në lëndën e fizikës tash e 24 vjet në këtë shkollë kujton momentin kur shkolla kishte më shumë nxënës.
E njohësi i fushës së arsimit, Ismet Potera vlerëson se në këtë situatë të tillë duhet të ndërmerren masa meqë sipas tij edhe procesi mësimor me pak nxënës nuk është efektive.
Ndryshe, sipas të dhënave të Agjencisë së Statistikave të Kosovës, numri i nxënësve në arsimin fillor ka rënë nga mbi 247 mijë, sa ka qenë në vitin shkollor 2017/2018, në mbi 220 mijë në vitin shkollor 2022/2023.
Kronika e realizuar nga gazetarja Lendrina Kodrolli.
