Kryeministri Albin Kurti thotë se krimi i Serbisë nuk harrohet e as nuk falet
Po bëhet zbulimi i pllakës përkujtimore të dëshmorëve dhe martirëve në fshatin Pastasel të Rahovecit.
Në këtë ceremoni në mesin e qindra personave, po merr pjesë edhe kryeministri Albin Kurti, në përkujtimin e 106 të rënët e masakrës së këtij fshati 24 vjet më parë.
Në fjalën para të pranishmëve Kurti foli për ditën e 31 marsit të vitit 1999, ku forcat serbe masakruan civilë të pafajshëm.
Ai tha se për krimet e kryera, Serbia as nuk amnistohet e as nuk do të falet.
E Kryetari i Komunës së Rahovecit, Smajl Latifi, përmendi rolin e Ushtrisë Çliritmare të Kosovës, në clirimin e vendit, derisa nuk e la pa i kujtuar edhe ish-krerët e saj, që po mbahen në Hagë.
Në fund të ceremonisë, në emër të banorëve të fshatit Pastasel, foli Afrim Krasniqi.
Ai kërkoi drejtësi nga institucionet vendore dhe ndërkombëtare për masakrën ndaj banorëve të këtij fshati.
Kronika e gazetarit Arton Rama.
