Ambasadori i Gjermanisë, Jorn Rohde, ka dënuar djegien e veturave me tabelat RKS në veri të vendit.
Derisa ka mbështetur deklaratën e ambasadorit të BE-së, Tomas Szunyog, Rohde ka thënë se dhuna nuk është asnjëherë opsion, duke i quajtur veprime ato të papranueshme.
“Pajtohem plotësisht [me deklaratën e Szunyogut]. Dhuna nuk është kurrë opsion! Kam besim të plotë se autoritetet e Kosovës do t’i hetojnë rastet thellësisht dhe do t’i sjellin përgjegjësit para drejtësisë”, ka shkruar ai në Twitter.
Më 31 mars janë djegur edhe tri vetura të tjera të qytetarëve të nacionalitetit serb, të cilat ishin të parkuara – njëra në Zveçan dhe dy në veri të Mitrovicës.
