Më 24 mars të vitit 1999 u dha urdhri që NATO-ja të niste bombardimet mbi caqet ushtarake serbe, për t’u dhënë fund vrasjeve dhe spastrimit etnik që Serbia po i kryente në Kosovë.
E kujtimet për atë ditë i ka ende të freskëta ish-pjesëtari i Ushtrisë Çlirimtare të Kosovës, Arton Hoti, i cili asokohe ishte në vijë të parë të frontit.
Hoti i cili është edhe invalid i luftës, thotë se që nga dita e parë e bombardimeve, jeta e tyre ishte rrezikuar më shumë për shkak se forcat serbe kishin intensifikuar sulmet.
Ai thotë se 24 vite pas përfundimit të luftës, nuk është i kënaqur me trajtimin që i bëhet kategorisë së tyre.
Bombardimet e NATO-s zgjatën 78 ditë dhe përfunduan më 10 qershor 1999, me Marrëveshjen Teknike të Kumanovës, e cila parashihte tërheqjen e të gjitha forcave ushtarake dhe policore serbe nga Kosova.
Dy ditë më pas, me 12 Qershor 199, filloi dislokimi i rreth 50,000 ushtarëve nga 36 vende të botës, prej të cilëve 30,000 ishin nga vendet e NATO-s.
Kronika e gazetarit Lindrit Zejnullahu.
