Prokuroria Speciale e ka identifikuar një rast të krimeve të rënda ku janë të përfshirë katër veta të dyshuar për veprat penale “Fajde”, “Detyrim”, “Shpëlarje e parasë” dhe “Pengim i të privuarit apo procedurës zyrtare”, raporton teve1.info
Sipas komunikatës së Prokurorisë, në ditën e operacionit është arritur të bllokohen edhe llogaritë bankare në vlerë prej mbi 2 milionë e 130 mijë euro dhe afër 900 mijë franga zvicerane si dhe 16 parcela.
“Prokuroria Speciale njofton se rasti është shënjestruar për veprat penale ‘’Shpëlarje e parasë’’, ‘’Fajdeja’’, ‘’Detyrimi’’ dhe ‘’Pengim i të privuarit apo procedurës zyrtare”.
Ndërkaq, sa i përket hetimeve financiare, rasti është hetuar paralelisht dhe ditën e operacionit është arritur të ngrihen llogarit bankare të të dyshuarve dhe familjarëve të ngushtë.
Ne llogarit e tyre rrjedhëse dhe të afatizuara janë ngrirë gjithsej:
2,131,223.31 EUR dhe 878,632.47 CHF
Kurse në vazhdimësi të hetimeve janë identifikuar edhe prona dhe patundshmëri të cilat me urdhër të Gjykatës janë ngrirë gjashtëmbëdhjetë (16) parcela. Në ketë rast për momentin janë të përfshirë katër (4) persona, tre (3) prej tyre janë në paraburgim”, thuhet në komunikatë.