Kryetari i Federatës së Futbollit të Kosovës, Agim Ademi është dërguar të enjten në Gjykatën Themelore në Prishtinë. Ademi në Gjykatë u shoqërua me ambulancë.
Prokuroria Themelore në Prishtinë ka kërkuar masën e arrestin shtëpiak për kreun e FFK-së.
Të mërkurën, atij iu caktua masa e ndalimit për 48 orë, ndërsa të enjten po mbahet seanca për caktimin e masës së sigurisë.
Zëdhënësja e Gjykatës, Mrlinda Gashi ka thënë se do të dalin me njoftimi lidhur me vendimin për kreun e FFK-së.
Prokuroria dyshon se Ademi ka kryer veprat penale “keqpërdorim i besimit” dhe “shmangie nga tatimi” që lidhen me FFK-në. I pari i shtëpisë së futbollit kosovar kaloi natën në Qendrën Klinike Universitare të Kosovës.
Agim Ademi, ditë më parë, u lirua nga akuzat për një rast të ndodhur shumë vjet më parë e që nuk ishte i lidhur me futbollin.
