Kryeministri i Kosovës, Albin Kurti ka thënë se si kryeministër i vendit nuk mund t’i shmang marrëveshjet ndërkombëtare që janë bërë në të kaluarën.
Ai ka thënë se kjo është edhe kërkesë e miqve ndërkombëtarë nëse duam të njihemi si shtet.
“Kosova i ka obligimet e veta ligjore, unë personalisht kamë kundërshtuar disa nga marrëveshjet në të kaluarën dhe vazhdoj të punojë për një rezultat sa më të mirë. Aleatët tanë na kujtojnë se marrëveshjet janë arritur ndërmjet qeverive në emër të shteteve tona me detyrime të ndryshme edhe kur qeveritë ndryshojnë. Nëse duhemi të trajtohemi si shtet dhe të njihemi si i tillë unë nuk mund t’i shmang detyrimet nga traktatet ndërkombëtare por jam i bindur që tekst ma të mirë të marrëveshjes në situatën që jemi nuk ka qenë e mundur të arrijmë”, raporton teve1.info.
Kurti në debatin paralamnetar për marrëveshjen e Ohrit, ka thënë se është njohje de facto e Kosovës nga Serbia e vendosur në mënyrë të shkruar garantues i së cilës janë BE dhe SHBA.
“Natyrisht që është njohe de facto e vendosur në mënyrë të shkruar dhe me një status të pa kthyer tashmë, sepse BE dhe SHBA janë garantues për përhershmërinë kohore. E rëndësishme për ne palët më në fund do të deklarojnë konfirmojnë kushtet për personat e zhdukur me urgjencë siç thuhet në tekst dhe këtë e ka pranuar edhe Serbia”, ka thënë Kurti.
Kurti ka folur se marrëveshja përfshin benifite dhe sanksione për palët që nuk i përmbahen marrëveshjes.
Ai tha se marrëveshja është e vlefshme vetëm nëse zbatohet paralelisht./teve1.info/
