Me nisjen e muajit të Ramazanit, presidentja e vendit, Vjosa Osmani, ka uruar që secila zemër dhe sofër të jetë plot.
Duke uruar të gjithë besimtarët myslimanë, Osmani ka shkruar se Kosova gjithmonë ka kultivuar solidaritetin.
“Sonte fillon muaji i shenjtë i Ramazanit, muaj i sakrificës, përkushtimit, solidaritetit dhe mirësisë. Populli ynë gjithmonë e ka kultivuar solidaritetin, ndaj në këtë muaj uroj që secila zemër e secila sofër të jetë plot, në mënyrë që respekti i ndërsjellë dhe dashuria të jenë udhërrëfyes përherë. Zoti ju bekoftë në këtë muaj të shenjtë dhe ju pranoftë lutjet, agjërimin dhe veprat e mira!”, ka shkruar Osmani në Facebook.
Njëherit, Osmani thotë se gjatë këtij muaji, secili nga besimtarët, përveç sakrificës personale dhe paqes shpirtërore, manifeston shpirtin solidar e tolerant në raport me tjetrin, sidomos në raport me njerëzit në nevojë./teve1.info/.
