Ministri i Jashtëm i Austrisë, Alexander Schallenberg, ka thënë se normalizimi i marrëdhënieve mes Kosovës dhe Serbisë është i rëndësishëm për rajonin.
Schallenberg, tha se të marrëveshjet duhet të zbatohen sa më shpejtë që është e mundur, gjithashtu duke përmendur edhe Asociacionin.
“Normalizimi i marrëdhënieve nuk ka alternativë. Ka mbështetjen e BE-së dhe ShBA-së. Dhe nuk ka alternativë. Siç tha një ministër britanik ‘është shfaqja e vetme në qytet’”, tha Schallenberg
“Serbia, si vendi më i madh në Ballkanin Perëndimor, ka një përgjegjësi të veçantë. Mirëpres që Serbia dënoi agresionin në OKB dhe shpresojmë, dhe këtu jam jehonë e BE-së, se ‘Serbia do t’i bashkohet sanksioneve’. Kushdo që dëshiron të jetë anëtar i BE-së nuk mund të qëndrojnë mënjanë”, ka shtuar ai.
Ministri austriak, ka folur edhe për marrëveshjen e arritur mes kryeministrit të Kosovës, Albin Kurti dhe presidentit të Serbisë, Aleksandar Vuçiq, në Ohër për planin e zbatimit të Marrëveshjes bazë për normalizimin të marrëdhënieve mes dy shteteve.
“Ka ende shumë takime dhe bisedime para nesh. Marrëveshja që u arrit është një sinjal i rëndësishëm. Mirëpres që Serbia dhe presidenti Aleksandar Vuçiq kanë pranuar marrëveshjen. Nuk ishte hap i lehtë, por është i rëndësishëm”, ka thënë Schallenberg, raporton Kosovo Online.
Ai për Asociacionin e Komunave me Shumicë Serbe ka thënë se ka shembuj pozitiv, si rasti i Tirolit Jugor.
“Ky është një vend që ka filluar të ekzistojë në vitin 1918, kur shembull një ministër francez, tha ‘Austria është ajo që mbetet’. Është një vend që ka pasur ndryshimet më të mëdha dhe sot jemi një nga vendet më të pasura ku njerëzit janë krenarë për gjithçka që është arritur. Shikoni Tirolin Jugor. Ka shembuj pozitivë dhe Austria është një prej tyre”, tha Schallenberg. /teve1.info/
