Deputetja nga radhët e PDK-së, Blerta Deliu ka kërkuar nga gjuhtarët që ta tregojnë dallimin mes fjalës “vetëmenaxhim” dhe “vetëadministrim”.
Sipas saj, kryeministri Albin Kurti po bën lojëra fjalësh, përcjell teve1.info
“Kryeministri dje madje kishte edhe lojë fjalësh se çka quajmë vetëadministrim dhe vetëmenaxhim. Tha që ka një dallim mes të vetëmenaxhimit dhe vetëadministrimit. Unë ftoj gjuhtarët e njohur që ta thonë qartësisht se cili është dallimi mes vetëmenaxhimit dhe vetëadmnistrimit, sepse kryeministri u mundua që ta bëjë atë që e bën gjithmonë, që të bëjë lojë fjalësh me kompetencat dhe atë që ka qenë shqetësimi i ynë, vetëmenaxhimi që përmendet në marrëveshjen e fundit e cila është diskutuar së fundi në Ohër”, deklaroi ajo pas mbledhjes së Kryesisë së Kuvendit.
Një ndër pikat e propozimit të BE-së është që Kosova të nisë menjëherë punën për sigurimin e një niveli të duhur të vetëmenaxhimit për serbët në Kosovë.
Kryeministri Albin Kurti do të raportojë në Kuvend të enjten, lidhur me takimin e 18 marsit në Ohër. /Teve1.info/
