Deputeti i Lidhjes Demokratike të Kosovës, Armend Zemaj ka thënë se kryeministri i Kosovës është dashur të thërrasë seancë vet për raportim në Kuvendin e Kosovës për marrëveshjen e 18 marsit në Ohër.
Ai pas mbledhjes së Kryesisë së Kuvendit të hënën, tha se kryeministri e ka obligim kushtetues raportimin para deputetëve.
“Kryeministri është dashur që vet të lajmërohet dhe të raportojë para të zgjedhurve të popullit si përgjegjësi kushtetuese, të raportojë për procesin e dialogut dhe mbi të gjitha për dakordimin e marrëveshjes së arritur në Ohër,e cila për neve është në kundërshtim të plotë me synimet tona që ta kemi një Kosovë të integruar për të gjitha komunitet sipas Kushtetutës së Republikës së Kosovës”, tha Zemaj./teve1.info/