Kryeministri i Kosovës, Albin Kurti pas takimit në Ohër ka thënë se pajtimi publik është arritur por sipas tij, pala serbe është ajo e cila po i ikë nënshkrimit të marrëveshjes.
Kurti në adresimin e tij pas takimit ka thënë se i vie keq për brengosjen që mund ta kenë paramenduar qytetarët gjatë kësaj dite maratonike.
“Kemi arritur pajtim publik për një aneks që do të udhëzoj zbatimin e marrëveshjes bazë. Pala tjetër po ikë nënshkrimit të marrëveshjes tash edhe me aneks. I takon Bashkimit Evropian që ta gjejë mekanizmin që ta statusin e kësaj marrëveshje ligjërisht të obligueshme e sa për aneksin e zbatimit ai do të publikohet në web faqen e Bashkimit Evropian dhe aty do ta kuptoni se edhe çka ka edhe çka s’ka “, tha Kurti./teve1.info./
