Profesori universitar, Seb Bytyçi vlerëson se zgjatja e negociatave mes palëve në Ohër nuk nënkupton që ato kanë dështuar.
Bytyçi vlerëson se takimi mund të vazhdojë deri në orët e vona.
“Kjo do të thotë se ende nuk ka përfunduar negociimi, nuk nënkupton dështim, ka gjasa që ka pasë përparim në disa fusha dhe ende ka çështje të cilat duhet të sqarohen, sepse kemi të bëjmë me një plan implementimi që megjithatë përfshin çështje të ndryshme dhe të gjitha ato duhet të sqarohen para se të arrihet një pajtim”.
“Ka gjasa që takimi të vazhdojë ndoshta edhe deri në orët e vona”.
“Edhe nëse nuk ka nënshkrim formal mund të ketë pajtim që efektivisht është e njëjtë gjë. Gjithçka varet nga orët e ardhshmë si do të shkojë negociimi”, ka deklaruar ai, ka thënë ai në emisionin special në Tëvë1 për takimin në Ohër.
Sipas tij Serbia ka synuar ta zvarrisë arritjen e marrëveshjes bazë megjithatë vlerëson se kjo qasje nuk do të tolerohet më nga ndërkombëtarët.
“Nëse ka pajtim për çështjet e implementimit, sekuencat e zbatimit të pikava të marrëveshjes, marrëveshjeve të mëhershme, nëse ka pajtim për këto gjëra edhe mund të arrihet marrëveshja sot. Ju e dini që ka presion të madh ndërkombëtar te të dyja palët që të arrihet marrëveshja por nuk është diçka e garantuar. Mund të cakltohet ndonjë takim tjetër për çështje të pazgjidhura”.
“E dimë se Serbia vazhdimisht ka pasë një qasje zvarritëse në dialog dhe sigurisht që mund të presim që edhe Serbia të jetë problematike, duke synuar që ta zvarrisë marrëveshjen dhe i kemi parë edhe deklaratat e Vuçiqit që aludojnë në një qasje të tillë mirëpo e kemi parë edhe presionin mjaft të madh ndërkombëtar edhe mbi Vuçiqin dhe jemi në një moment ku nuk ka shumë tolerancë për qasjen zvarritëse të Serbisë. Ka pas tolerancë për një gjë të tillë gjatë gjithë vitit të kaluar dhe në janar e kemi pa kur ka pas një presion te Vuçiqi nga një delegacion i madh perëndimor, ky presion e pati efektin e vet dhe ai e pranoi planin franko-gjerman”, vlerëson Bytyçi.
Takmimi ndërmet kryeministrit Kurti dhe presidentit serb, Vuçiq, i ndërmjetësuar nga emisarët e BE-së është duke vazhduar, ndonëse ishte ndërprerë për një pauzë të shkurtër. Takimi trepalshës ka filluar rreth orës15:30.
