Kryetari i Nismës Socialdemokrate, Fatmir Limaj ka vlerësuar se propozim evropian është ujdi e keqe për Kosovën.
Limaj në emisionin “Këndi i Debatit” në Tëvë1, tha se njohja de fakto e Kosovës nga Serbia ka ndodhur në vitin 2013.
“Kjo marrëveshje është e keqe për Kosovën. Asnjë gjë nuk jep… mos me ofendu inteligjencën e këtij populli. Njohje de fakto ka ndodhur në 2013. Këtë që po flasim për dokumente janë kryer në 2013 – 2015, janë marrëveshje ato”, ka thënë ai.
Madje sipas Limajt, kryeministri, Albin Kurti ka pranuar që ta vë në diskutim çështjen e statusit të Kosovës.
“Sot i keni 4-5 pika që si Beograd, Prishtinë ia kanë lënë me dëshirë me lexu si të duan. Preambula thotë një gjë shumë të rëndë, duke mos paragjykuar statusin e Kosovës, asnjë kryeministër i një vendi nuk ka të drejtë me shku me bisedu e me ulë palën përball e dikush me hap çështjen e statusit, d.m.th për Serbinë statusi është i hapur, i pa përfunduar. Kryeministri i Kosovës ka pranuar ta vë në diskutim çështjen e statusit të Kosovës. Krejt pikat 1,2,3 janë nën hijen e preambulës, e vë në diskutim pavarësinë e vendit tonë”, përfundoi ai.
