Nga 16 marsi, asnjë automjet në trafik nuk duhet të qarkullojë pa tiketat ngjitëse.
Përmes tyre mundësohet identifikimi i regjistrimit të tyre.
Ky është viti i dytë që ka filluar me shpërndarjen e tiketave ngjitëse pas vendimit të Ministrisë së Infrastrukturës, Agjencionit të Regjistrimit Civil dhe Byrosë Kosovare të Sigurimit.
Shoferët e mirëpresin këtë mënyrë të identifikimit të regjistrimit të automjeteve të tyre.
Për gjithë ata që anashkalojnë e nuk respektojnë vendosjen e tiketave ngjitëse, pasojnë gjobat, si dhe mbulueshmëria e dëmeve në rast aksidentesh për automjetet e regjistruara.
Këtë vit, sipas Byrosë priten rezultate më të mëdha sa i përket uljes së automjeteve të paregjistruara.
Kronika e Florijeta Dernjani.
