E mungesa e bibliotekës për studentët po paraqet problem.
Por, nuk është vetëm mungesa e bibliotekës që po i shqetëson afër 700 studentë të këtij fakulteti.
Ata thonë se edhe literatura e cila kryesisht është në gjuhën serbe është problem për ta.
“Librat janë kryesisht në gjuhën serbe, na si studentë nuk e dimë këtë gjuhë. Kështu që furnizohemi me literaturë prej referencave të ligjëratave”, thotë studentja Rona Kasabaqi, studente e arkitekturës.
Por, ndryshe nga studentët, shprehen profesorët në këtë fakultet.
“Unë vet i kam përkthyer dy libra nga gjuha kroate dhe gjermane, anglishten çdo student duhet të dijë. Serbo-kroate s’besoj që ka dikush që ua ka jep dikush… Ka literaturë të bollshme….”, thotë Dukagjin Hasimja, profesor në Fakultetin e Arkitekturës.
Ndërkohë, nga organizata Admovere, thonë se përveç mungesës së bibliotekës, këta student përballen edhe me disa vështirësi të tjera.
Ndërkohë, dekanja në këtë fakultet, Violeta Nushi, thotë se mungesa bibliotekës, nuk është aq e theksuar.
Kjo pasi natyra studimeve, kërkon çdoherë literaturë bashkëkohore.
“Prioritet është biblioteka, por meqë FA dhe natyra e studimeve, ka të bëj me një dinamikë shumë të madhe të njohjes dhe nxënieve që cilat avancojnë me kohë, dhe ka një prurje shumë të madhe të literaturës, çdo literaturë del e zbehtë karshi kohës”, thotë dekanja.
Por, pavarësisht kësaj, Nushi e pranon se Fakulteti i Arkitetkurës, ka nevojë për dy lloje të bibliotekave.
Ne si arkitekturë, kemi nevojë për dy tipe të bibliotekave. Tipi i parë është leximore e qete, e heshtur. Dhe punëtoria ku studentët bashkëpunojnë, pra biblioteka e zhurmshme.
Ndryshe, deri vonë, ky fakultet është shërbyer me bibliotekën dhe sallën e leximit të fakulteteve teknike
Kronika e realizuar nga gazetari Fidan Zejnullahu
