Ministri i Mbrojtjes, Armend Mehaj, së bashku me komandantin e FSK-së, Bashkim Jashari, morën pjesë në takimin e dhjetë të Grupit të Kontaktit për Ukrainën, i thirrur nga Sekretari i Mbrojtjes së ShBA-së, Lloyd J.Austin lll.
Përmes një postimi në Facebook, Mehaj ka shkruar se vazhdojnë të qëndrojnë të palëkundur në mbështetje të Ukrainës, raporton teve1.info.
“Bashkë me komandantin e FSK-së, Gjenerallejtnant Bashkim Jashari, morëm pjesë në takimin e dhjetë të Grupit të Kontaktit për Ukrainën, i thirrur nga Sekretari i Mbrojtjes së SHBA z.Lloyd J.Austin III. Republika e Kosovës ishte pjesëmarrëse e barabartë mes 54 vendeve aleate të cilat mbështesin fuqishëm Ukrainën dhe popullin e saj në të drejtën e tyre për të mbrojtur vendin dhe shtetin. Ne do të qëndrojmë të palëkundur në mbështetje të Ukrainës krah për krah me partnerët tanë”, ka shkruar Mehaj në Facebook.
Njëherit, Mehaj ka theksuar që vlerësojnë lartë qëndresën e Qeverisë dhe popullit ukrainas, po ashtu rezistencën e tyre për liri, drejtësi dhe vetëvendosje./teve1.info/.
